Вториот уапсен во „Комунална хигиена“: е раководителот Аки Саити

Вториот уапсен во полициската акција во „Комунална хигиена – Скопје“ е Аки Саити од Сарај, раководител во претпријатието, објави „Прес24“ повикувајќи се на извори. Заедно со него е приведен и директорот Сабахадин Рустеми. Двајцата се гонат по член 230 од Кривичниот законик – загрозување на животната средина и природата со отпадни материи. Акцијата на МВР и Обвинителството уследи откако со денови во Скопје останаа преполни контејнери, па дел од општините ангажираа сопствена механизација за чистење.

Според првичните информации, истрагата опфаќа финансиска и оперативна документација и начин на постапување со отпадот. По комплетирање на материјалите се очекува обвинителството да одлучи за понатамошните мерки. Јавното претпријатие засега не соопшти детали за кадровски промени или за привремено раководење додека трае постапката.