Skip to content
Претседателот на Украина, Володимир Зеленски, денеска телефонски разговараше со претседателката на Словенија, Наташа Пирц Мусар, за соработката меѓу двете земји во рамките на украинската мировна формула.
– Имав телефонски разговор со претседателката на Словенија, Наташа Пирц Мусар за соработка во рамките на украинската мировна формула. Благодарен сум за учеството на словенечкиот претставник на четвртиот состанок на ниво на советници во Давос, објави Зеленски на Телеграм.
Тој ја покани Словенија да биде меѓу учесниците на првиот Глобален самит за мир.
