Skip to content
Пратеникот на СДСМ, Јован Митревски, на денешната седница на Комисијата за финансирање и буџет, на чиј дневен ред е Предлог буџетот за 2025 година ја повика власта да каже со какви нови глоби ќе ги изненади граѓаните за да собере плус 54 милиони евра, пари во буџетот. Митревски ги повика пратениците на ВМРО-ДПМНЕ да кажат кога државата го пљачкосувала народот, дали со претходниот буџет за 2024 година кој изнесувал 5,3 милјарди евра или, пак, сега со новиот Предлог буџет за 2025 година кој тежи 6,5 милјарди евра. Тој нагласи дека со ваква сума на пари, власта се подготвува да го пљачкосува народот, преку повисоки даноци и казни.
„Моето прашање е како до нови 54 милони евра, дали се планира наплата на повеќе глоби или, пак, се планира зголемување на некои други админстративни такси, оние што ги плаќаат граѓаните и фирмите, за да им биде појасно на граѓаните што ги очекува наредната година. Дали со ваква сума власта се подготвува да го пљачкосува народот, преку повисоки даноци и казни. Значи 5 милјларди и 300 милиони евра за буџетот од 2024 година, беа класичен арач, а сега 6,5 милјарди евра се благосостојба на граѓаните. Супер сте.“, рече Митрески.
Според Митрески, буџетот за 2025 година, нема никаква суштинска и препознатлива нова политика, ниту пак, економски социјални мерки, или предлози, од аспект на понуда. Тој нагласи дека буџетот не нуди ништо ново затоа што напишано, е продолжение од петходната власт.
„Заради зголемувањете на дефицитот и јавниот долг буџетот носи ризици и е фактор на макроекономска потенцијална дестабилизација. Очигледно е дека економијата во 2025 година ќе се движи по инерција. Тоа е единствена предност, бидејќи е резултат на тоа што претходно се работеше. Ваква економија. со лошо скроен погрешен буџет, со исклучување на сите меѓународни релевантни институции, со прекршување на основните договорени фискални правила, не претставува решение и помош, туку извор на нови проблеми“, рече Митревски, на четвртиот ден од расправата за Предлог буџетот за наредната година.
