Комшиите во Србија одат на 500 евра минимална плата од Септември

Минималната плата во Србија оди на 500 евра од октомври, на 550 евра од 2026‑та

Од 1 октомври годинава околу 90 илјади работници во Србија ќе добиваат најмалку 500 евра месечно, откако Социјално‑економскиот совет едногласно одобри вонредно зголемување од 9,4 %. Часовната тарифа расте од 308 на 337 динари, а нето‑минималецот скока од 53 592 на 58 630 динари.

Министерот за финансии Синиша Мали најави дека преговорите за редовното покачување следната година ќе почнат кон крајот на август. Според планот, од 1 јануари 2026 минималната плата ќе порасне на 550 евра, додека стратешката цел за 1 јануари 2028 е износ од 650 евра.

Со есенското и со наредното редовно зголемување, кумулативниот раст на минималецот ќе изнесува 20,4 %. Паралелно, неоподаночливиот дел од приходите се крева од 28 423 на 34 322 динари, па даночното оптоварување на платите паѓа на 59,7 %, а кај минималната плата на 55,6 %.

Министерката за труд и претседателка на СЕС, Милица Ѓурѓевиќ, истакна дека договорот е резултат на конструктивен социјален дијалог и дека ги штити најранливите работници. Владата, додаде таа, останува приврзана кон целта минималецот да се доближи до просечната плата и да го задржи чекорот со растечките животни трошоци.