Skip to content
Приштина во мај почна со затворање на паралелните српски институции на север, поттикнувајќи протести и инциденти. ЕУ оцени дека потегот е спротивен на духот на Бриселскиот договор и ги задржа рестриктивните мерки, извадени од „фрижидерот“ по минатогодишните немири.
Европската служба за надворешна политика (EEAS) порача дека статусот на тие структури мора да се реши преку дијалог, а не со еднострани акции. Во пракса тоа значи дека финансискиот пакет од 150 млн € останува условен, како и блокадата на некои инвестиции во инфраструктура.
Од друга страна, по изборите од февруари 2025, Косово се уште нема функционален парламент. Токму таа институционална криза ја наведоа европските претставници како пречка за целосно укинување на санкциите: „Ни треба одржливо намалување на тензиите и политичка стабилност“, изјави шефицата на дипломатијата Каја Калас.
Белград, пак, сигнализира подготвеност за технички договор за регистарски таблички, но и натаму бара формирање Заедница на српски општини како прв чекор. Без синхронизирани отстапки, летово се очекува „жешка дипломатска пауза“ наместо напредок.
