Skip to content
Угледното регионално онлајн издание на „Блумберг“, ја портретира „ЛТХ Леарница“, компанија за производство на алуминиумски компоненти основана во 2005 година во Охрид, која прозиведува за светските авто-гиганти.
Денес комплетното портфолио на компанијата, како и на групацијата „ЛТХ Кастингс“ е 100 отсто автомобилска индустрија. Групацијата има свои ќерки фирми во Словенија, Хрватска и во Македонија.
„По 20 години, горди сме што сме препознаени како сигурен партнер на глобални брендови како ‘Мерцедес Бенц’ (Mercedez Benz), БМВ (BMW), ‘Тесла’ (Tesla), ‘Рено’ (Renault), ‘Континентал’ (Continental), ‘Костал’ (Kostal), ЗФ (ZF) и други“, вака почна да раскажува Наташа Јовческа, генерална директорка на „ЛТХ Леарница“, во разговорот за „Блумберг Адрија“.
Во фабриката во Охрид работат над 500 вработени, а годишно се произведуваат стотици илјади компоненти – од фланши и куќишта до сложени склопови.
