Расте бројот на жртви по нападот во Краков

Бројот на жртви во пукотницата во центарот на Краков, Полска, се искачи на шест, а 15 лица се повредени, објави Асошиејтед Прес.

Претходно, полската полиција објави пет смртни случаи и повеќе од десет повредени.

Ранетиот полицаец е тешко повреден, со три прострелни рани

Меѓу повредените се двајца полицајци, од кои едниот е во критична состојба откако добил три прострелни рани.

Напаѓачот е ранет и уапсен, а полицијата потврди дека станува збор за полски државјанин. Според информациите од полските медиуми, тој е исто така во критична состојба.

Полскиот премиер Доналд Туск отпатува во Краков по пукотницата во која загинаа шест лица, објави Ројтерс.

Туск претходно изјави дека министерот за внатрешни работи редовно го известува за настаните и дека полицијата ги истражува позадината и сите околности на нападот.