Skip to content
Пратеничката на СДСМ, Јована Тренчевска, изјави дека во изминатите четири години локалната власт предводена од ВМРО-ДПМНЕ ги запоставила општините и не реализирала ниту едно стратешко ветување.
„Градоначалниците на ВМРО-ДПМНЕ ги запустија градовите. Наместо капитални проекти, граѓаните добија само неколку чешми и бекатончиња. Од ветеното – ништо“, рече Тренчевска во гостување на „Вести Плус“ на Канал 5.
Таа нагласи дека според анализите, СДСМ располага со силни кандидати за градоначалници во повеќе општини. Посебно ги посочи Крива Паланка, Валандово, Центар и Крушево, каде што, како што рече, актуелните градоначалници од СДСМ го промениле ликот на градовите и покажале што значи вистинско локално лидерство.