Skip to content
Имавме добар и конструктивен состанок. И до премиерот стигнале пораките за заедничка работа во сфери коишто се битни за граѓаните. Начелно договоривме да формираме работни групи во делот на спроведување на реформската агенда. Првичните закони коишто треба стигнат во собранието во делот на правосудството, нешто што ги тангира сите граѓани. Понатаму енергетиката како и некои прашања и проекти во здравството. Треба да видиме каква ќе биде методологијата“, рече претседателот на СДСМ Венко Филипче по средбата со премиерот и претседател на ВМРО-ДПМНЕ Христијан Мицкоски.
Тој рече дека не била договорена следна средба, но дека двајцата се обврзале да ниминираат експерти од областа на правосудството и енергетиката за да се вклучат во изработката на законите коишто се дел од рефромската агенда, а треба да стигнат во Собранието.
На прашањето дали понатаму се очекува да се вклучат и други партии, Филипче рече дека оваа првата е меѓупартиска средба, но секако дека сите партии ќе бидат поканети да се вклучат.
„Очекувам дека врз основа на ова што како прелиминарен модел го креираме, ќе се вклучат и другите партии. Ова е за доброто на државата, ние како одделни политички партии немаме доволем човечки капацитет. Мораме да пуштиме порака на обединување за доброто на државата“, истакна Филипче.
На средбата се разговарало и за уставните измени и евроинтеграциите.
„Разговараме и на таа тема. За жал имаме ралични позиции со премиерот. Јас го разбирам и останува за ова да зборуваме дополнително“, посочи претседателот на СДСМ
Во однос на моментарите на партиите на Албанците Филипче рече дека на средбата не треба да се гледа како на етничка или дека таа има таква нота.
„Иницијалниот повик беше на масата да седнат сите партии, меѓутоа прв којшто одговори позитивно беше премиерот и претседател на ВМРО-ДПМНЕ. Ова е средба на лидерите на двете партии, тоа не значи дека ова некаква етничка средба или дека има таква нота. Апсолутно не. Ги гледавме реакциите на другите партии. Никој не изрази желба и спремност веднаш да седне на маса, но тоа е нешто што како следен чекор треба да се случи“, нагласи Венко Филипче.
Филипче рече дека ќе бидат формирани повеќе заеднички работни групи од експерти.
„Ќе побрзаме во формирањето на тие групи. Не може да биде една. Јас ќе преложам експерти, но дозволете да размислам зашто имаме една нова форма на соработка којашто претходно не постоела“, истакна тој.
Филипче одговори и на прашањето дали и тој и Мицкоски имаат кредибилетет за оваа иницијатива.
„Прво, со тоа што покажуваме свест, разум и слух за барањата на граѓаните и со обидот да воспоставиме едн нов модел на соработка треба да е добар, позитивен сигнал. Граѓаните треба да знаат дека некој ги слуша нивните барања и глас и тоа само така треба да биде и во иднина“, одговори претседателот на СДСМ Венко Филипче по средбата со премиерот и претседател на ВМРО-ДПМНЕ Христијан Мицкоски.
Преходно Мицкоски на социјалните мрежи објави: Средба каде разговараме за актуелните случувања, и од која сакам да се знае дека одговорност, мудрост и чесност и се повеќе од потребни на Македонија!
