Забрчанец: Зошто ЈПДП и Коце Трајановски не го прошируваат М-тагот за патарини и со Грција, Црна Гора и Србија?

Марјан Забрчанец, поранешниот национален координатор за Отворен Балкан и за регионални иницијативи, во објава на социјалните мрежи потсетува дека во јули 2023 година Македонија ја активираше електронската и безконтактна М-Таг наплата на патарини во рамки на Отворен Балкан.

„Од тогаш до денес Македонија не мрдна со прст на темава, а Србија го проширува овој сервис и со Хрватска, Црна Гора и Грција. Целта е граѓаните побрзо и полесно да патуваат, да нема чекање, да нема колони и застој, особено за време на лето и викенди“, укажува Забрчанец.

Во објавата на социјалните мрежи тој прашува: „Што прават нашите од ЈПДП? Каде е “ефикасниот” Коце Трајановски? Зошто Македонија не го проширува М-Тагот со Грција, Црна Гора и Хрватска?“.

„Кому му пречи поврзувањето со соседите? Кому му пречат безконтактни патарини за полесно и побрзо патување? Дали е ова намерна изолација или неспособност?“, се дополнителните прашања што ги наведува Марјан Забрчанец, поранешниот национален координатор за Отворен Балкан и за регионални иницијативи.