Skip to content
Француската агенција за безбедност на храната (ANSES) препорача соја и производи на база на соја да се избегнуваат во диетите поради можни здравствени ризици. Оваа одлука уследи по проценката на влијанието на изофлавоните – молекули присутни во сојата, кои имаат естрогенска хормонална активност и можат негативно да влијаат на репродуктивниот систем доколку се консумираат во големи количини.
ANSES, исто така, ги повика производителите да ги разгледаат начините на одгледување и преработка на соја за да се намалат нивоата на изофлавони во храната. Оваа одлука доаѓа во време кога Франција и ЕУ промовираат поразновидни извори на протеини за поодржлива исхрана, што би можело да ги забави чекорите веќе направени во таа насока.
Негативни реакции од невладините организации
Препораката на ANSES наиде на остри критики од европските организации кои се залагаат за вегетаријанска исхрана, кои ја доведуваат во прашање веродостојноста на студијата. Рафаел Пинто, висок менаџер за политика во Европската вегетаријанска унија, ја нарече одлуката „спротивна на научниот консензус“ и „тактика за одвраќање на потрошувачите од алтернативи базирани на растенија“.
Пинто ја повика медицинската заедница да ги „отфрли стравовите“ за конзумирање на соја.
„Изненадени сме од препораката на ANSES да се исклучи сојата од целокупната исхрана, и покрај нејзините добро документирани здравствени и еколошки придобивки“, изјави Ана-Лена Клап од ProVeg International за Euractiv.
Цитирајќи студија од 2020 година на американската Агенција за јавно здравје која ја класифицира сојата како безбедна храна, Клап ја нагласи потребата од „големи мета-анализи за поддршка на препораката ANSES“, со оглед на тоа што таа отстапува од националните диететски упатства во многу земји. Можеби ќе ве интересира.
Европската индустрија штотуку го доби барањето!
Директорката на Plant Based Foods Europe, Микела Бисони, истакна дека сојата се консумира низ светот со векови без никакви проблеми.
„Оваа одлука е донесена без да се земат предвид целосните докази, кои се неопходни за балансиран пристап кон ризиците и придобивките“, рече таа за Еурактив.
Сојата под лупа, но не и месото
Клап исто така го критикуваше различниот третман на сојата и месото од страна на ANSES.
„Изненадени сме што ANSES не дава слична препорака за преработеното црвено месо. Уште во 2015 година, Светската здравствена организација (СЗО) го класифицираше како канцерогено, но ANSES никогаш не препорача негово отстранување од колективната исхрана“, нагласи таа.
Последната евалуација на изофлавоните на ниво на ЕУ беше спроведена пред десет години од Европската управа за безбедност на храната (ЕФСА), на барање на Германија. Сепак, како што наведе ЕФСА, студијата беше „општа проценка“ која се фокусираше само на додатоци во исхраната за жени во менопауза и беше ограничена на проценка на ефектите врз тироидната жлезда, матката и градите. Во овој контекст, не е утврдено штетно дејство на изофлавоните.
„Секоја нова проценка на ЕФСА може да биде иницирана само на барање на Европската комисија, Европскиот парламент или земја-членка“, рече претставник на ЕФСА.
