Skip to content
Процесот на трансформација на Безбедносните сили, кој влезе во седмата година, се развива според плановите , вели министерот за одбрана на Косово Ејуп Маќедонци.
„Генерираме опции за набавка на хеликоптери и верувам дека во наредните денови ќе имаме појасни информации каде е нашата ориентација за хеликоптерите и граѓаните нормално ќе бидат информирани за тоа. Нашата цел е секогаш да има барем дел од овие средства во Косовските безбедносни сили (КБС) пред крајот на третата преодна фаза, пред 2028 година“, вели тој.
За време на овој процес, Косово купи беспилотни летала и разни воени возила. Државата се фокусираше на инвестиции за модерни системи за оружје, меѓу кои и набавка на противтенковски „Јавелин“.
Со завршувањето на трансформацијата, се очекува КБС да има одговорност за зачувување на суверенитетот и територијалниот интегритет на земјата.
Министерот вели дека Србија продолжува да претставува закана со формирањето на 48 бази на српската војска долж граничната линија со Косово.
Во Раска, Ниш и Врање, вели тој, се воспоставени и други бази кои се недалеку од територијата на Косово.
Тој смета дека е можен ризикот од напади, со оглед на тоа што терористите од нападот во Бањска и во каналот Ибер-Лепенци се уште не се казнети.
