Нови повредени од предизвикот „Супермен“, девојче има скршеница на слабински пршлени

Предизвикот „Супермен“ на ТикТок продолжува да ги „повредува“ македонските тинејџери. 15 годишна девојка со скршеница на два слабински пршлена била примена на болничко лекување во Универзитетска клиника по хируршки болести „Св.Наум Охридски“ во Скопје.

Освен неа, со повреди на зглобовите на рацети бил примен и ученик кој го правел истиот предизвик. В.д. директорот на болницата, Небојша Настов вели дека овој предизвик може да остави и доживотни последици, во зависност од ударот при падот.

„Викендов се претежно овие два нови случаја, иако имавме затишје во текот на претходната недела. Во едниот случај е повредено 13-годишно девојче со скршеници на двете подлактици. Во другиот случај има потешка повреда, 15-годишна пациентка е хоспитализирана со скршеница на два слабински пршлена. Хоспитализирана е само за опсервација, а понaтaму ќе продoлжи со конзервативен третман“, изјави за МИА Настов. 

Докторите и училиштата изминатиов период апелираа до учениците да не го изведуваат овој предизвик, со цел да се спречат повреди. Предизвикот се изведува кога група ученици го фрлаат од нивните раце ученикот кој по скокот треба да падне на нозе. Најчесто децата завршуваат со повреди на рацете, нозете и главата.