Сириските бегалци од Турција започнаа да се враќаат дома

Сириските бегалци кои спасот од војната во нивната земја го нашле во Турција, започнаа да се враќаат во земјата по падот на режимот на Башар ал Асад.

Како што објавија турските медиуми граѓаните кои побегнале во Турција за време на граѓанската војна почнале да се враќаат во својата татковина и се креирале гужви на граничните премини.

Огромни гужви имало на граничниот премин Џилвегозу во провинцијата Хатај, каде што сириските граѓани чекале на царинските проверки.

Повеќе жители се упатија кон своите родни градови како Дамаск и Хама, изразувајќи радост што конечно се враќаат по повеќе од една деценија.