Вучиќ и Мицкоски во Белград разговарале за изградбата на Коридорот 10

„Со Христијан Мицкоски разговаравме за зајакнување на односите и заеднички иницијативи за постабилна иднина на нашите граѓани. Разговаравме за економски и инфраструктурни проекти, со посебен акцент на изградбата на пругата Будимпешта-Белград-Скопје-Атина Пиреја која ќе ги поврзе Јужна и Централна Европа, како и подобрување на трговската размена и соработка во областа на енергетиката“, изјави Вучиќ по средбата.

Српските медиуми јавуваат дека шефот на српската држава изрази „благодарност за фактот што Северна Македонија е еден од клучните партнери во иницијативата Отворен Балкан, која стана симбол на силна регионална соработка и поврзаност на Западен Балкан“.

„Нашата заедничка цел е подобра иднина за сите граѓани, а соработката преку „Отворен Балкан“ и други проекти останува цврста основа врз која ја градиме иднината на целиот регион. Убеден сум дека ќе продолжиме да ги развиваме односите во дух на пријателство во иднина и партнерство“, рече и Вучиќ на Инстаграм.

Мицкоски по разговорот рече дека „нема отворени прашања меѓу двете земји, а односите се засноваат на меѓусебно почитување и пријателство“.

Мора да создадеме мостови на економска и политичка соработка со сите соседи и да градиме иднина за нашите граѓани“, напиша тој на Фејсбук.

Мицкоски се сретна и со премиерот на Србија, Милош Вучевиќ.