Skip to content
Турција сака да преговара со САД за укинување на дополнителните царини од 10 отсто наметнати од претседателот Доналд Трамп, изјави денеска турскиот министер за трговија Омер Болат, додавајќи дека тоа е „најдоброто од најлошото“ имајќи ги предвид повисоките царини воведени од многу други земји.
„Сакаме да разговараме за ова прашање со американскиот трговски претставник… бидејќи има вишок од 2,4 милијарди долари во корист на САД во трговијата меѓу двете земји за 2024 година“, рече тој во изјавата, која ја пренесе Ројтерс.
Американскиот претседател Доналд Трамп воведе реципрочни царини на повеќе од 180 земји и територии ширум светот, вклучително и 10 отсто царини за стоки увезени од Турција.
Покрај Турција, царина од 10 отсто се соочуваат и Сингапур, Бразил, Австралија, Нов Зеланд, Колумбија, Аргентина, Ел Салвадор, Обединетите Арапски Емирати и Саудиска Арабија.
