Skip to content
Градоначалникот на Истанбул и турски опозициски политичар, Екрем Имамоглу, е привремено суспендиран од неговата функција, објави турското МВР.
Имамоглу беше приведен во средата, само неколку дена пред да биде промовиран како претседателски кандидат на најголемата турска опозициска Републиканска народна партија.
Тој е една од главните опозициски фигури во Турција и човек кој се гледа како главен предизвикувач на претседателот Реџеп Тајип Ердоган за изборите во 2028 година.
Имамоглу формално беше уапсен денеска, откако судот му одреди истражен притвор под обвинение за корупција. Случајот предизвика демонстрации во поголемите турски градови и ја зголеми загриженоста за демократско назадување во Турција.
Екрем Имамоглу, кој беше избран за градоначалник на Истанбул во 2019 година, ги негира обвинувањата и вели дека тие се политички мотивирани.
Ако Имамоглу биде осуден, турскиот закон им дозволува на властите да го заменат на градоналничкото место со свој функционер.
