Skip to content
Мало дете беше спасено од полицајци откако беше забележано како виси од надворешната ограда на тераса на осми кат, во станбен блок во комплексот „Златен Рог“ во Јамбол, објави дописникот на БГНЕС во градот.
Извештајот за случајот е поднесен околу 13:30 часот денес. Очевидци виделе момче од околу 3 години, кое се наоѓало во исклучително опасна ситуација на терасата.
„Кога пристигнавме, забележавме дека 3-годишно дете стои на оградата однадвор, држејќи се со едната рака. Ни дадоа ќебе, во случај детето да падне, за да можеме да го фатиме. Сосед од другиот влез ни овозможи пристап, се качив, го потпрев детето со раката за да не се помрднува многу. Станот од кој висеше детето беше заклучен. Се држев за просторот со едната рака, а со другата – детето, чекав моите колеги да стигнат до нас“, рече помладиот инспектор Мартин Петров.
Во операцијата учествуваа и неговите колеги Ивајло Димитров, Иван Топалов, Милена Андреева и Петар Облаков, сите од Полицискста управа на Јамбол.
Бидејќи никој не одговараше на телефонските повици, полицајците ја скршија влезната врата од станот за да дојдат до детето.
Во станот немаше возрасни. Покрај спасеното дете, пронајдено е и уште едно помладо девојче, кое има една година и 10 месеци и било во количка во станот.
Часови по инцидентот, на местото на настанот пристигнаа службеници од Одделот за заштита на децата при Дирекцијата за социјална помош во Јамбол. Родителите се идентификувани, а самите деца се прегледани и се во добра состојба.
Децата веднаш се одземени од семејството и сместени во згрижувачко семејство, кај различни семејства.
Утре, специјално свикан координативен механизам за деца во ризик ќе одлучи кои ќе бидат следните мерки за децата.