Skip to content
Со реформата на американската влада, која вклучува практично згаснување на USAID и други агенции, повеќе земји остануваат без финансиска поддршка од САД.
Меѓу нив е и Србија, која требаше да добие 14 милиони долари за подобрување на јавните набавки, но проектот е откажан.
Одлуката е дел од активностите на новоформираниот Оддел за ефикасност на владата (DOGE), кој го предводат Илон Маск и Вивек Рамасвами, а кој има за цел намалување на федералната потрошувачка.
DOGE објави список со проекти што се укинати, вклучувајќи:
-40 милиони долари за „Центар за родова еднаквост и зајакнување на жените“,
-32 милиони долари за „Прашкиот центар за граѓанско општество“,
-2 милиони долари за „одржливи модели на рециклирање“ за заедниците на Роми, Ашкали и Египќани на Косово,
-29 милиони долари за „јакнење на политичкиот пејзаж во Бангладеш“,
-21 милион долар за зголемување на излезноста на гласачите во Индија.
Политичка позадина на одлуката
Укинувањето на финансирањето доаѓа еден ден по средбата меѓу американскиот претседател Доналд Трамп и индискиот премиер Нарендра Моди.
Трамп, на новинарско прашање дали USAID влијаел на изборите во САД во 2020 и во Индија во 2024, одговори:
„Можно е да имаа улога. Лоши работи се случија во 2020 и 2024. Но изборите во САД беа преголеми за да бидат наместени. Мислам дека се обидоа.“
Одлуката за кратење на меѓународните програми е во согласност со Трамповата политика за намалување на странската помош и насочување на ресурсите кон домашни приоритети.
Но, овие мерки отвораат прашања за нивното влијание врз стабилноста на региони кои зависат од американската поддршка за демократски развој и хуманитарни проекти.
