Skip to content
Студентите во блокада кои го блокираа Математичкиот факултет на Универзитетот во Белград, соопштија дека синоќа во 3 часот по полноќ го блокирале депото на Градското сообраќајно претпријатие (ГСП) во Нов Белград, јави Н1.
Како што наведоа на својот профил на социјалните мрежи, депото во Нов Белград е „блокирано до понатамошно известување“.
Различни „проверени“ и „веродостојни“ извештаи за акциите оваа ноќ се појавија во одредени медиуми кои нема да ги именуваме, но се чини дека некој им подметнал лажни информации“, напишаа студентите кои го блокираа Математичкиот факултет.
Студентите кои го блокираа Земјоделскиот факултет на Универзитетот во Белград ги повикаа граѓаните да им се придружат во блокадата на Инстаграм, наведувајќи и дека таа ќе продолжи до понатамошно известување.
„Се собираме за поддршка на просветните работници и нивната борба за подобри услови за работа. Придружете ни се“, порачаа студентите.
На фотографиите кои ги објавија на социјалните мрежи може да се забележат неколку десетици студентски чувари кои се стационирани пред влезот на депото на ГСП, а во еден момент ги посети и поранешниот српски кошаркар Владимир Штимац.
