„Tи дојде крајот, оставка!“, ечеше пораката ро Рама од километарскиот марш во Тирана

Маршот на илјадници граѓани што започна по завршувањето на говорите пред канцеларијата на премиерот продолжи со извонредна решителност по главните булевари на Тирана.

Големата толпа демонстранти се движеше во блокови, создавајќи масивен човечки кордон, додека атмосферата на улиците на главниот град останува исклучително загреана од едногласните повици на учесниците.

Новинарите од терен известуваа дека по целата рута на маршот, во хор се слушаат моќни повици упатени до извршната власт како „Крајот дојде!“ и „Рама оставка!“.

Граѓаните, држејќи транспаренти и национални симболи во рацете, гласно и отворено го изразуваат својот револт, барајќи итна смена на шефот на владата.

Меѓу редовите на марширачите доминира и слоганот „Нова Албанија“, повик што стана мото на овој 28-ми ден на отпор.