Утрово продолжи потрагата по детето во Сава, се пребарува долниот тек на реката

Потрагата по детето кое исчезна во реката Сава ќе продолжи рано утрово, а сите служби повторно ќе бидат на терен. Беше најавено дека потрагата ќе се прошири во округот Сисак-Мославина во петок.

Загребската полиција во средата објави дека интензивно го пребарува коритото на реката Сава во Загреб во потрага по дете чија мајка била спасена од реката.

Полицијата извести дека мајката им кажала дека во средата околу 16 часот и 10 минути во близина на мостот Јанкомир влегла во реката Сава со своето дете во раце.

На мајката и била укажана лекарска помош, додека се вршат „интензивни мерки за пребарување во насока на пронаоѓање на детето“, информираше претходно полицијата.

Адвокатот Милко Крижановиќ изјави дека ова семејство му се обратило за правна помош, но не откри други детали.

Во четвртокот продолжи интензивната потрага по дете за кое постои сомневање дека е во реката Сава, откако 33-годишна жена со него влегла во водата кај мостот Јанкомир. Министерот за внатрешни работи Давор Божиновиќ потврди дека мајката е уапсена. Потрагата продоли и денеска.