ВОЗНЕМИРУВАЧКО ВИДЕО: Автомобил удри студентка за време на блокада, ја носи на покрив и бега

За време на студентска блокада на улицата Рузвелтова денеска во Белград, една девојка е повредена кога на неа налетал автомобил Форд Фокус и ја носел на покривот. По инцидентот возачот со својот автомобил избегал од местото на настанот.

Како што може да се види на вознемирувачкото видео, возачот на автомобил Форд Фокус удрил во девојката и извесно време ја носел на покривот од возилото, по што таа паднала и се повредила, а возачот на автомобилот побегнал без да застане.

Полицијата пристигнала на местото на настанот, а обезбедувањето ги повикало насобраните да ги предадат снимките. Граѓаните беа револтирани од долгото чекање да дојде полицијата и брзата помош.

Како што јави репортерот N1, инцидантот се случил на самиот почеток на блокадата, кога учениците почнале да ги блокираат патиштата.

На социјалните мрежи подоцна се појави фотографија од полицајци кои го запираат и го приведуваат арогантниот возач на син Форд.

Исто така, се појавија информации дека полицијата го запленила автомобилот што го управувал возачот.

Зачлени се на нашиот е-билтен