Данска бара Русија да го намали бројот на вработени во Амбасадата во Копенхаген

Данското Министерство за надворешни работи соопшти дека го информирала рускиот амбасадор Владимир Барбин во Копенхаген оти руската мисија ќе треба да го намали својот персонал за да одговара на нивото на Амбасадата на Данска во Москва.

Таквата одлука уследи по долгите неуспешни преговори помеѓу Копенхаген и Москва по руските барања за визи за вработените во Амбасадата на Данска во Русија.

Во Амбасадата на Русија во Копенхаген ограничен е бројот на дипломати на пет, а бројот на административниот персонал на 20, поради што Москва ќе треба да повлече дел од својот персонал.

Во соопштението од данското МНР се посочува дека одлуката за намалување на бројот на вработени мора да се спроведе до 29 септември.