Skip to content
Турскиот претседател Реџеп Таип Ердоган денеска за време на состанокот во Њујорк го повика сопственикот на компанијата Тесла, Илон Маск да отвори фабрика за автомобили во Турција, соопшти турското претседателство.
Ердоган, кој моментално престојува во САД каде присуствува на Генералното собрание на ОН, разговараше и за можната соработка меѓу компанијата за истражување на вселената на Маск, Спејс Икс (SpaceX) и турската вселенска програма.
Во соопштението се наведува дека Ердоган му предложил на Маск соработка во областа на вештачката интелигенција и Старлинк (Starlink), сателитски интернет сервис на Спејс Икс.
Маск рече дека Спејс Икс сака да ја обезбеди потребната лиценца за понуда на Старлинк во Турција.
