Skip to content
Безбедносниот кабинет на Израел го одобри предлогот на министерот за одбрана Израел Кац за формирање нова агенција во Министерството за одбрана, чија задача е да им овозможи на Палестинците „доброволно“ да го напуштат Појасот Газа.
Во соопштението, канцеларијата на Кац вели дека новиот директорат ќе работи на „подготовка и овозможување безбедно и контролирано пријавување на жителите на Газа за нивно доброволно заминување во трети земји, вклучително и обезбедување на нивното движење, воспоставување правци за движење, проверка на пешаците на одредени премини во Појасот Газа, како и координирање на обезбедувањето инфраструктура од воздух до дестинацијата“.
Шефот на дирекцијата наскоро ќе го избере Кац, велат од неговиот кабинет.
Во соопштението се додава дека напорите да им се овозможи на жителите на Газа кои сакаат да мигрираат од Појасот да го сторат тоа, се предмет на израелското и меѓународното право и во согласност со визијата на американскиот претседател Доналд Трамп.
„Работиме со сите средства за да ја спроведеме визијата на американскиот претседател и ќе му дозволиме на секој жител на Газа кој сака да се пресели во трета држава да го стори тоа“, вели Кац.
