Колумбиската влада и левичарските бунтовници на Националната ослободителна армија (ЕЛН) потпишаа во Хавана привремен шестмесечен договор за прекин на огнот.
Договорот за „национален и привремен билатерален прекин на огнот“, според кубанскиот министер за надворешни работи Бруно Родригез, е потпишан во присуство на колумбискиот претседател Густаво Петро и лидерот на ЕЛН, Антонио Гарсија.
Кубанскиот министер изјави дека на 3 август 2023 година ќе почне целосното спроведување на договорот за прекин на огнот, што ќе трае 180 дена.
Преговорите почнаа во ноември во Каракас, а продолжија во март во Мексико Сити, каде двете страни ветија дека ќе разговараат за прекин на огнот. Преговорите продолжија во Хавана.
Бунтовниците на ЕЛН, само еднаш во 2017 година, се согласија на примирје, кога поранешниот претседател Хуан Мануел Сантос (Хуан), кој ја предводеше Колумбија од 2010 до 2018 година, учествуваше во мировниот процес.
