Skip to content
„По две години незамисливо страдање и загуби за израелските семејства и за народот на Газа, сите треба да се чувствуваме охрабрени што крајот на конфликтот е на повидок“, објави Обама на Инстаграм.
Тој потенцира дека приоритет сега треба да биде ослободување на сите заложници и доставување итна помош до цивилното население во Газа.
„Но уште поважно е тоа што сега одговорноста е на Израелците и Палестинците, со поддршка од САД и глобалната заедница, да ја почнат тешката мисија на обнова на Газа – и да се посветат на процес што ќе ја препознае заедничката човечност и основните права на двата народа“, порача Обама.
Оваа изјава доаѓа во исклучително чувствителен момент, кога хуманитарната ситуација во Газа е алармантна, а меѓународните напори за траен прекин на огнот се сè поинтензивни.
Обама повторно го акцентира она за што со години се залагаше – мирот не е само политички договор, туку цивилизациски избор, кој бара храброст, компромис и признавање на болката на другиот.