Skip to content
Како што пренесува Ројтерс, на вработените во USAID им било соопштено на 28 март дека сите позиции кои не се пропишани со закон ќе бидат укинати, по што Стејт департментот го известил Конгресот за прекинување на функциите на USAID кои не се во согласност со приоритетите на администрацијата на Трамп.
Американскиот државен секретар, Марко Рубио, ја објави оваа намера и истакна дека USAID „одамна се оттргнала од својата оригинална мисија“, додавајќи дека „резултатите се премалку, а трошоците се превисоки“.
„Благодарение на претседателот Трамп, оваа погрешно раководена и фискално неодговорна организација е завршено. Пренасочуваме нашите програми за помош во странство така што ќе ги усогласиме со она што е најдобро за САД и нашите граѓани“, изјави Рубио.
Според соопштението, Стејт департментот и USAID го известиле Конгресот за намерата да започнат реорганизација која ќе вклучува повторно усогласување на одредени функции на USAID со Стејт департментот до 1 јули и укинување на преостанатите функции на USAID кои не се во согласност со приоритетите на администрацијата.
Откако Трамп го започна својот втор мандат на 20 јануари, Одделот за владината ефикасност (DOGE), кој го води милијардерот Илон Маск, започна акција за намалување на USAID и спојување на преостанатите делови со Стејт департментот. Администрацијата досега отпушти стотици луѓе и укина услуги вредни милијарди долари на кои зависеле десетици милиони луѓе ширум светот.
Рубио претходно овој месец изјави дека повеќе од 80% од сите програми на USAID биле откажани.
Како што пренесува Ројтерс, на вработените во USAID им било соопштено на 28 март дека сите позиции кои не се пропишани со закон ќе бидат укинати, по што Стејт департментот го известил Конгресот дека ќе ги прекине функциите на USAID кои не се во согласност со приоритетите на администрацијата на Трамп.
Ова ќе значи дека скоро сите преостанати вработени во USAID ќе го изгубат работното место во јули и септември, како што се наведува во интерниот меморандум што го испратил Џереми Левин, член на DOGE.
