Актуелно, Вести, Свет

Русија стана првата земја што го призна талибанското раководство во Авганистан

04/07/2025
06:43

Авганистан, меѓународно признавање, Русија

Знамето на Исламската држава Авганистан (Талибан) By Original: Taliban Vector: Lexicon – The ratio is 1:2, according to the September 1997 Amendments to the Flag Law. The script of the Shahada is not specified in the flag law and varies (see ‘other versions’ below). This design is one of the most common, and is featured on the Taliban’s official website, on a mural at the old U.S. Embassy, and is raised over the presidential palace and Kabul airport., Public Domain, Link

Русија денеска соопшти дека ги примила акредитивните писма на новиот авганистански амбасадор, со што де факто стана првата земја во светот што го призна владината структура предводена од Талибанците.

Руското Министерство за надворешни работи потврди дека официјално го признало талибанското раководство во Авганистан. Според соопштението, заменик-министерот за надворешни работи Андреј Руденко ги примил акредитивните писма на новоименуваниот авганистански амбасадор во Москва, Гул Хасан.

„Сметаме дека официјалното признавање на авганистанските власти ќе даде поттик за развој на продуктивна билатерална соработка меѓу нашите држави во различни области“, се наведува во соопштението на Министерството.

Руските власти изразија очекување дека во фокусот на идната соработка ќе бидат проекти од енергетиката, транспортот, земјоделството и инфраструктурата.

ТАСС јави дека над зградата на авганистанската амбасада во Москва веќе се вее знамето на Талибанците.