Skip to content
Претседателот на Украина, Володимир Зеленски, и во понеделникот одлучи да не носи класичен костум при средбата со претседателот на САД, Доналд Трамп, во Белата куќа. Наместо тоа, Зеленски се појави во класичен крој на воена облека, што ја рефлектира неговата заложба да го балансира националниот и дипломатскиот имиџ.
„Ми се допаѓа,“ изјави Трамп при поздравувањето, посочувајќи на црната облека на украинскиот претседател – далеку поофицијална од неговите воено инспирирани секојдневни аутфити. „Ова е најдоброто што имам,“ одговори Зеленски.
Зеленски од почетокот на војната со Русија пред три години се појавува во јавноста во маици во војнички стил, поло кошули и воени аутфити, што често предизвикува критики од некои американски републиканци кои сметаат дека претседателот треба да носи класичен костум при средби со претседателот на САД.
„Овој пат претседателот ќе носи костум, но стилот останува во воен клуч со истата симболика: тој е шеф на државата која е во војна,“ изјави Елвира Гасанова, украинска дизајнерка од брендот Damirli, кој создава дел од препознатливите изгледи на Зеленски. „Истовремено, важно е да се нагласи дека Володимир Зеленски лично одлучува што ќе облече. Сега претседателот е во состојба каде што секој детал е важен – неговиот изглед, расположение, емоции. Како лидер на Украина, тој го избира имиџот кој најдобро ја одразува неговата улога и моментот.“
Модните избори на Зеленски, кои ја изразуваат солидарноста со украинските вооружени сили и со земјата погодена од војна, добиваат и пофалби и критики. Според Financial Times, Зеленски во 2022 година се обврзал дека нема да се врати на класичен костум и вратоврска и да се бричи додека Украина не извојува победа во војната.
