Зеленски во петок ќе го потпише договорот за минерали во кој нема безбедносни гаранции

Американскиот претседател Доналд Трамп изјави дека украинскиот претседател Володимир Зеленски најверојатно ќе дојде во Белата куќа во петок за да потпише договор за ретки минерали.

На овој начин, украинскиот претседател практично обезбедува продолжување на американската воена помош, пишува Гардијан.

Да потсетиме, украинскиот претседател Володимир Зеленски досега одби да потпише два нацрт-договори предложени од администрацијата на Трамп.

Украинскиот весник „Економски правда“ цитира верзија на договорот од 24-ти февруари според кој Киев ќе исплати 50 отсто од државните приходи од природни ресурси во фонд што ќе инвестира во Украина.

Забележително е дека на договорот му недостасуваат американски безбедносни гаранции за Украина, за кои Киев наводно се залагал.

Но, исто така, не се споменува бројката од 500 милијарди долари што американскиот претседател Доналд Трамп ја побара како компензација за поддршката на Вашингтон за Киев во одбраната од инвазијата на Москва.

Украина има огромни наоѓалишта на критични елементи и минерали, од литиум до титаниум, кои се од витално значење за производство на современи технологии и се многу пожелни во глобалната трка по ресурси, пишува Politico.