Пред почетокот на собраниските седници во Албанија, пратениците на ДП исклучени од Етичката комисија, имаа вербална пресметка со вработените во гардата на влезот од Собранието, со фрлање брашно в лице на вработените во Гардата, пренесуваат албанските медиуми.
По неодамнешното незадоволство на меѓународната заедница кон косовските власти, ЕУ предупреди дека Косово може да остане надвор од европската интеграција.
Ова се дел од темите од денешниот редакциски избор на ЦИВИЛ Медиа, од албанските медиуми во регионот.
АЛБАНИЈА
Репортери: Брашно, јајца и врева во Собранието на Албанија, седницата траеше 20 минути
Седницата во албанското Собрание во четвртокот траеше околу 20 минути ,а исто како и во минатото беше проследена со врева и тензија. Иако во собраниската сала недостасуваа 23 пратеници, опозицијата продолжи со граѓанската непослушност, отежнувајќи ги дискусиите на дневниот ред.
Пред да започнат седниците, пратениците на ДП исклучени од Етичката комисија, имаа вербална пресметка со вработените во гардата на влезот од Собранието.
Дури и пратеникот на ДП, Фламур Нока, им фрлаше брашно в лице на вработените во Гардата, пренесе Репортери.
Топ Чанел: Специјалниот суд го отфрли барањето на Бериша да учествува на пленарните седници
Поранешниот премиер Сали Бериша нема да учествува во парламентот.
Ваква одлука донесе Антикорупцискиот суд, кој го потврди СПАК, кој претходно го одби барањето на поранешниот премиер да му даде дозвола и да го спроведе од куќен притвор на собраниските седници во четврток, пренесе Топ Чанел.
КОСОВО
РТВ 21: ЕУ предупредува дека Косово може да остане надвор од интеграциите
По неодамнешното незадоволство на меѓународната заедница кон косовските власти, ЕУ предупреди дека Косово може да остане надвор од европската интеграција.
Опозицијата во Косово оценува дека премиерот Курти со своите постапки го нарушува имиџот на Косово. Во меѓувреме, политичките аналитичари велат дека ЕУ продолжува да ја гали Србија, пренесе РТВ 21.
ЗЕРИ: Во Србија беше прекинат директниот пренос кога Курти го започна својот говор пред Советот за безбедност
Синоќа во Њујорк за прв пат во рамките на Советот за безбедност имаше конфронтација меѓу Курти и Вучиќ.
Вонредниот состанок на Советот за безбедност на Организацијата на Обединетите нации (ОН) што го свика Србија во врска со забраната за циркулирање на српскиот динар на Косово, беше пренесуван во живо на Косово, додека во Србија беше цензуриран, пренесе Зери.
КОЛУМНА
Коха: Лекции од париските трактори
„Мора да ставиме крај на оваа идеја, дека во рамките на дијалогот, Косово нема да изгуби ништо, туку само ќе победи. Бидејќи европските земјоделци учат на потешкиот начин, нема лесни и идеални решенија во животот, пишува авторот Демуш Шаша во колумната „Лекции од парисктие трактори“, објавена во Коха.
Подготви: Д. Тахири (ЦивилМедиа)
