Skip to content
Денес во МКЦ во 11:00 часот ќе има проекции на избрани епизоди од серијалите „Кртко“, „Максипесот Фик“ и „Боб и Бобeк“ во склоп на Програмата за деца на МакеДокс.
Во 12:00 часот ќе се одржи Креативна работилница: Маринирани спомени.
„Јубилеи, јубилеи… Родендени на убави нешта. И домашни торти со ликови од цртани филмови. Колективна меморија и носталгија. Безгрижно детство. Е токму таму ве водиме! Ветрилото на чешките анимирани класици ќе го размрда застојаниот скопски летен воздух и ќе нѐ одведе на патување назад кон иднината. Билетот е, велат, во една насока, оти кој не би сакал вечно да остане дете? Затоа со задоволство ќе се навратиме на едни подалечни времиња кога јадевме мајмун-попара, учевме странски јазици од телевизија и трчавме од кујната со брзина на светлината штом ќе ја чуевме најавната шпица на омилениот цртан филм. Мајмун-попара можеби повеќе не е во мода, но одење во кино е, и тоа како“, порачуваат од МакеДокс.
На 19 и 21 август програма продолжува во Сули ан со премиери на 3 филмови од школата за Докуникулци.
