Цело семејство пронајдено мртво во куќа во Чачак

Трочлено семејство од Босна и Херцеговина било пронајдено мртво утрово во нивната семејна куќа во Чачак, Република Србија.

Полицијата и екипата на брзата помош потврдиле дека станува збор за насилна смрт, а на местото на настанот бил пронајден и нож. Местото е целосно обезбедено за да не се уништат трагите и доказите.

Форензичкиот тим моментално собира докази, но засега не е јасно дали станува збор за семејна трагедија, двојно убиство со самоубиство или напад од трета страна. Сите детали ќе бидат утврдени по завршување на истрагата.

Соседи на семејството за српските медиуми изјавиле дека станувало збор за мирни и тивки луѓе кои никому не правеле проблем.