Денес започнува зима со најкраткиот ден во годината

Денес започнува зима на северната полутопка на Земјата, а во исто време тоа ќе биде и најкраткиот ден во годината. Зимата официјално започнува во 16:03 часот, а за жителите на јужната полутопка на Земјата започнува летото. По 21 декември, деновите почнуваат постепено да се продолжуваат.

Но, 21 декември е повеќе од астрономска констелација – тоа е и моќен симбол на надеж. Пред околу 3.800 години, на врвовите на североисточна Македонија, нашите предци го следеле Сонцето со неверојатна прецизност. Кокино не бил само светилиште — бил календар, опсерваториум и духовен центар.

Наутро, токму на зимската краткоденица, сончевите зраци минуваат низ камена пукнатина и го означуваат моментот кога денот почнува повторно да расте. Порака стара илјадници години: и по најдолгата ноќ, светлината се враќа.

Ова е Македонија. Земја што ја читала вселената додека светот сè уште учел да брои. Потсетник дека знаењето, верата и природата некогаш биле едно.