Skip to content
Екстремен студ и густа магла предизвика хаос на улиците во главниот град на Индија, Њу Делхи и другите делови на северот на земјата, јави денеска Би-би-си.
Повеќе од 100 летови и 25 возови во Њу Делхи доцнат поради слаба видливост.
Њу Делхи забележа еден од најмагливите денови во историјата, со видливоста падна под 50 метри.
Поради густата утринска магла сообраќајот беше целосно забавен, а на места беа предизвикани и сообраќајни несреќи.
Студеното време зафати и делови од северните држави Пенџаб, Харајана, Мадја Прадеш, Раџастан и индискиот дел на Кашмир. Индискиот метеоролошки оддел издаде предупредување во кое се наведува дека ќе има магла во следните пет дена.
Градските власти, исто така, ги повикаа граѓаните да избегнуваат излегување освен ако е апсолутно неопходно и да ги заштитат своите лица кога се надвор.
