Јорданскиот крал Абдула денеска ја започна турнејата во главните градови на важните западни држави, вклучително и во Вашингтон, каде ќе се сретне со претседателот Џо Бајден за да лобира за прекин на војната во Појасот Газа, соопштија извори од кралската палата.
Монархот, кој прво ќе ги посети Франција и Германија, ќе има разговори и со високи лидери на американскиот Конгрес, со политичари и претставници од администрацијата на Бајден.
Во соопштението од јорданската кралска палата не е наведен датумот на средбата со Бајден.
