Катар секојдневно ја следи радиоактивноста во водите на Персиски Залив

Катар внимателно ја следи секоја радиоактивна контаминација на водите во Персиски Залив, по израелските напади врз Иран, соопшти денеска катарското Министерство за надворешни работи.

Портпаролот на катарското МНР, Маџед ал Ансари истакна дека нема причина за загриженост, но оти „продолженото воено заострување ќе има непредвидливи последици“.

– Меѓународната заедница мора јасно да стави до знаење дека секое таргетирање на нуклеарни, нафтени или енергетски постројки во овој регион би имало последици, кои не можеме да ги измериме во Заливот, посочи Ансари.

Израел на 13 јуни го нападна Иран, а Техеран возврати со ракетни и напади со дронови врз израелска територија.

Иранската нуклеарна електрана во Бушер е лоцирана на брегот на Персиски Залив. Техеран тврди дека оваа централа не е погодена при израелските напади. Но, на мета на израелските напади беше нуклеарниот комплекс во Натанц.

– Катарските постројки се безбедни, но израелските напади врз иранската енергетска инфраструктура се непромислени, посочи Ансари.