Skip to content
Поранешниот градоначалник на Скопје, Коце Трајановски е назначен за нов директор на Јавното претпријатие за државни патишта.
Одлуката вчера била потврдена од страна на Управниот одбор на ЈПДП.
Вчера беа назначени Сашо Клековски за директор на Фондот за здравствено осигурување, Александар Пандов за директор на Управата за извршување на санкции додека пак Здравко Трајанов ќе раководи со Национални шуми.
Трајановски беше градоначалник на Град Скопје во два мандата, oд 2009 до 2017, а претходно од 2005 до 2009 на Општина Гази Баба. На локалните изборите во 2017, како актуелен градоначалник на Скопје изгуби од кандидатот на СДСМ Петре Шилегов.
На изборите во 2021, иако се споменуваше дека повторно ќе биде кандидат за градоначалник, ВМРО-ДПМНЕ ја кандидираше Данела Арсовска која е актуелна градоначалничка на Скопје.
