Skip to content
Владата објави дека од месец март пензиите ќе се зголемат за 8,4 отсто што според нив е рекордно покачување на пензиите.
Од март минатата година до март оваа година пензиите се зголемени на три пати, односно во март 2022 за 2,9 отсто, во септември истата година за 6,8 отсто и во март оваа година за 8,4 отсто. Вкупно за 12 месеци пензиите пораснале за 18,1 отсто.
Што значи тоа во пракса?
Ако еден пензионер во февруари 2022 година добивал пензија од 20.000 денари, во март истата година таа му се зголемила на 20.580 денари. Со следното покачување од септември 2022 година пензијата му се зголемила на 21.979 денари.
Со последното покачување, истиот пензионер што лани во март имал пензија од 20.000 денари, од овој март ќе добива 23.825 денари, или 3.825 денари повеќе, односно над 60 евра повеќе за само една година.
Износот од 20.000 е земен како сликовит пример, додека со новото покачување, просечната пензија која досега изнесуваше 17.666 денари, ќе се зголеми на 19.150 денари.
(Извор: 24 Инфо)
