Skip to content
„Никако да го слушнеме решението. Опозицијата и нивниот лидер за се имаат решение, но никако да го понудат тоа решение. А кога ќе тргне да го нуди решението е демантиран“, рече министерката за култура, Бисера Костадиновска-Стојчевска во емисијата „Актуел“ на Тера.
Таа додаде дека би ѝ било срам да биде дел од политичка опција каде претседателот е постојано демантиран.
„Никако да ги слушнеме решението, ниту како би ги воделе преговорите со Бугарија, со Грција, како би ги воделе процесите, никако да слушнеме. Тие сакаат да креираат паника, дека ни е загрозен идентитетот, јазикот културата“, истакна Костадиновска-Стојчевска.
Минситерката додаде дека ни само што идентитетот, јазикот и културата не се загрозени, туку тие се зацврстени, утврдени и потврдени.
Во врска со претседателските избори, Костадиновска-Стојчевска истакна дека Пендаровски покажа дека со својата умереност и начин на водење на државата е претседател за сите
„Претседателот Пендаровски покажа дека со својата умереност, начин на водење на државата и носење на одлуки кои не секогаш биле на иста линија со партијата што му дала поддршка, докажа дека е претседател за сите“, рече министерката за култура, Бисера Костадиновска-Стојчевска во емисијата „Актуел“ на Тера.
Таа додаде дека Пендаровски има волја и визија да ја води држаата напред и со своите одлуки покажа дека има човечка реторика која ја разбираат сите.
„Сака да ја види државата како членка на ЕУ, бидејќи тоа е единствениот пат што ќе ни донесе напредок“, нагласи Костадиновска-Стојчевска.
Министерката додаде дека за разлика од Пендаровски, кандидатката на ВМРО-ДПМНЕ во ниту еден момент не покажа отстапка од партиската реторика или дека е натпартиски кандидат.
