„Ги слушам мегафоните на ВМРО ДПМНЕ прашуваат зошто ме немало на митнизите на Стево. Не можеле да разберат дека Стево е граѓански кандидат, поддржан од граѓани, партии, здруженија. Стево не е претседател под контра на партија ниту нечија продолжена рака како што е Силјановска. Стево е кандидат на граѓаните! Но тоа е нивни проблем. Ние имаме план, имаме визија и не се откажуваме од европска иднина“, изјави претседателот на СДСМ на митинг на претседателот Стево Пендаровски во општина Аеродром.
Тој додаде дека победата ќе почне уште на 24-ти април на првиот круг од претседателските избори.
„Стево е политичар со прогресивни идеи. Без ниту една грешка во првиот мандат и без ниту една црна дамка! Стево силно верува во европската иднина! Ние имаме јасен план и визија како ќе се развива државата во идните години. Победата почнува со нашиот претседател, Стево Пендаровски“, потенцираше Ковачевски
Тој додаде дека за точно еден месец од денеска, на 8-ми мај, СДСМ ќе прогласи нова голема победа за СДСМ и Коалицијата за европска Македонија.
„СДСМ ќе ја формира новата проевропска влада, а Стево Пендаровски повторно ќе биде Претседател! Сите заедно, сплотени и решителни ќе продолжиме цврсто да газиме на патот кон Европската Унија. Европска Македонија ќе биде реалност! Нема откажување од иднината! Да сте живи и здрави! Да живее СДСМ! Да живее европска Македонија“, заклучи Ковачевски.
