Skip to content
Извори од СДСМ вечерва вечерва за Рацин.мк ја потврдија информацијата којашто ја објавија дел од медиумите дека премиерот Димитар Ковачевски и актуелен лидер на СДСМ, лидерот на ДУИ Али Ахмети и поранешниот премиер и лидер на СДСМ Зоран Заев денеска имале заедничка средба во Скопје.
На средбата, како што ни беше кажано, се разговарало за утврдување на стратегијата за изборите и биле разгледувани повеќе опции за изборен настап Европскиот фронт.
Изворите од СДСМ потврдија дека е разгледана и можноста за заеднички пристап кон европската опција од која нема отстапки и дека се разговарало и за елементите за конкретна стратегија и за потенцијалите за очекуваната успешност.
На средбата биле отворени сите опции за претстојните претседателски и парламентарни избори, вклучувајќи ги и можностите за заеднички настап и за консензуален претседателски кадидат на претстојните избори.
Средбата, велат изворите на Рацин.мк од СДСМ, поминала во конструктивна и позитивна атмосфера.
