Кросето: На Европа и треба јасна и обединета стратегија против Русија, кога е во прашање војната во Украина

Европа би требало да избегнува да дава „бомбастични“ и контрадикторни изјави и би требало да има јасна и обединета стратегија против Русија, кога е во прашање војната во Украина, изјави италијанскиот министер за одбрана Гвидо Кросето, додавајќи дека Рим никогаш нема да испрати војска во конфликтната зона.

„Западот треба да избегнува бомбастични изјави како испраќање војници на НАТО во Украина, за пред себе да изгледа подобро. Западот треба да избегнува состаноци на кои има двајца или тројца соговорници, кога ние сме 27-мина во Европската унија“, рече Кросето за весникот „Република“.

Со цел да се спротивстави на Русија, додава Кросето, на Европа и треба „јасна стратегија, без контрадикторност и потенцијално изградена во коалиција“.