МНР на Грција Герапетритис: Популизмот не е решение

Мора да бидеме поодлучни ако сакаме да опстанеме како Европејци, рече во четвртокот министерот за надворешни работи Јоргос Герапетритис, изразувајќи загриженост за порастот на екстремистичките политички партии и популизмот во Европа.

За време на својот говор на Четвртиот Солунски Метрополитен самит организиран од Економист во соработка со Powergame.gr., Герапетритис рече дека една од причините зошто Грција има стабилност денес е тоа што ја преживеала кризата и се справила со популизмот.

Герапетритис учествуваше во дискусија со претседателот на Фондацијата Фридрих Еберт и поранешен претседател на Европскиот парламент, Мартин Шулц, и го истакна следново: „Не сум сигурен дека ќе ги имаме Соединетите Европски држави, како што предвиде Мартин Шулц, но треба повторно да ја измислиме Европа и да се обидеме да ги најдеме основните принципи врз кои е изградена таа. Европа во моментов е на крстопат и токму сега сме повикани да донесеме важни одлуки. Мораме да бидеме силни, бидејќи ни претстојат многу тешки избори“.

На прашањето што може Грција да и понуди на Европската унија, Герапетритис одговори: „Една од причините поради кои денес имаме стабилност е затоа што ја преживеавме кризата. Моравме да се справиме со популизмот. Го вкусивме популизмот и видовме дека беше тешко. И покрај економската криза, точно е дека преживеавме и сега се сметаме себеси искусни, карактеристични со издржливост и стабилност. Сега имаме стабилност, грчкиот народ сега знае дека популизмот не е одговор на ниту едно прашање и ова е многу важен политички придонес за Европа. Исто така, Грција, поради својата геополитичка историја, може да игра улога на мост Север-Југ, Исток-Запад. Мостовите се алатка за подобрување и одржливост“.