Најмалку 670 луѓе загинаа во земјотресот во Турција и во Сирија

Според најновите податоци загинаа најмалку 670 лица во Сирија и во Турција како последица на силниот земјотрес регистриран утрово во близина на јужниот турски град Газиантеп.

Се стравува дека бројот на жртвите ќе продолжи да се зголемува.

Сириското Министерство за здравство ја потврди смртта на најмалку 239 лица во областите под контрола на претседателот Башар ал Асад. Бројот на повредени таму достигна 648.

Во областите под контрола на бунтовниците во северните провинции Идлиб и Алепо веќе е потврдена смртта на 147 лица. Волонтерската организација, која дејствува оперира во бунтовничките области, исто така објави над 340 повредени.

Во Турција, според најновите податоци на властите, загинале најмалку 284 лица. Над 2.000 луѓе се повредени.