НАТО ги предупреди Москва и Пјонгјанг за „значајна ескалација“ во Украина

Генералниот секретар на НАТО Марк Руте ги предупреди Пјонгјанг и Москва за испраќање севернокорејски војници да се борат во војната во Украина.

– Распоредување војници на Северна Кореја за борба со Русија во Украинја „би значела значајна ескалација, напиша Руте на Х по разговорите со јужнокорејскиот претседател Јун Сук Јеол.

Тој информира дека со јужнокорејскиот претседател разговарале за „блиското партнерство на НАТО со Сеул, одбранбената индустриска соработка и меѓусебно поврзаната безбедност на Евро-атлантикот и Индо-пацификот“.

I spoke with @President_KR about #NATO’s close partnership w/ Seoul, defence industrial cooperation, and the interconnected security of the Euro-Atlantic and Indo-Pacific. #NorthKorea sending troops to fight alongside #Russia in #Ukraine would mark a significant escalation.

— Mark Rutte (@SecGenNATO) October 21, 2024

Јужнокорејската Национална разузнавачка служба (НИС) минатата недела ја обвини севернокорејската армија дека веќе испратила околу 1.500 војници во Русија на обука пред нивното очекувано распоредување во Украина.

Агенцијата соопшти дека Северна Кореја одлучила да испрати вкупно околу 12.000 војници за да обезбеди поддршка за Русија, вклучително и специјални единици.