Skip to content
Силното невреме што го зафати Скопје не остави само откорнати кровови, паднати дрвја и уништени автомобили. Вкупно 11 лица побарале лекарска помош, откако биле повредени од предмети што ги носел силниот ветер.
Шест пациенти биле згрижени во Градската општа болница „Свети Наум Охридски“, четворица во Ургентниот центар, а уште едно лице самостојно се пријавило во Клиничката болница „8 Септември“.
Меѓу повредените има лице врз кое паднало дрво, како и граѓанин погоден од керамиди што се откачиле од покрив. Дел од пациентите добиле набиеници и посекотини од други предмети и делови од оштетени објекти.
Засега нема официјални информации за точната здравствена состојба на сите повредени, ниту дали некој од нив се наоѓа во животна опасност.
Скопје беше погодено од силен ветер што предизвика сериозни штети во повеќе населби. Беа откорнати дрвја и кровни конструкции, оштетени возила и фасади, а паднати предмети блокираа делови од улиците.
Надлежните служби беа испратени на терен за да ги обезбедат ризичните локации, да ги отстранат паднатите предмети и да ги расчистат сообраќајниците.
Последиците покажуваат дека невремето не било само проблем за инфраструктурата. Паднатите дрвја, керамиди и метални делови претставувале директна опасност за граѓаните што во моментот се наоѓале на улиците.
