Полска ги испраќа првите ловци МиГ-29 во Украина

Полска го заврши трансферот на првите ловци МиГ-29 во Украина.

„Неколку МиГ-29 веќе и се испорачани на Украина, тие веќе и помагаат на Украина да ја одбрани земјата. Според моите информации, процесот на предавање на првата серија авиони е веќе завршен“, изјави Марчин Пжидач за радиото RMF24, пренесува Укринформ.

Тој истакна дека за време на официјалната посета на претседателот на Украина Володимир Зеленски на Полска на 5 април, „украинската страна без сомнение ќе побара дополнителна поддршка“.

Според Пжидач, Варшава му дава на Кијив постсоветски МиГ-29, „кои требаше да бидат поправени за 2-3 години“. Наместо тоа, Полска купува модерни американски Ф-35 и друга модерна опрема и оружје.

Како што е соопштено, Полска и Словачка планираат да и предадат вкупно 33 авиони МиГ-29 на Украина: од нив, Киев треба да добие 20 од Варшава и 13 од Братислава. Според прелиминарните информации, овие земји веќе префрлиле четири авиони МиГ-29 во Украина. Во исто време, Полска купи 48 јужнокорејски авиони ФА-50. До крајот на годината во земјата треба да бидат испорачани 12 авиони од конфигурацијата што ја користат јужнокорејските воздухопловни сили. Следните 36 авиони ќе бидат опремени веќе во согласност со дополнителните потреби на Полска. (ЦивилМедиа)